Nemojte klonuti duhom

​"Nemojte klonuti duhom. Ništa ne treba da bude nemoguće za vašu divnu dušu; a kada bi vas jednog dana zadesila nesreća da podlegnete ( ne dao Bog!), zadržite barem utjehu da ste se borili svom svojom snagom.

A zatim, ono što ne može ljudska mudrost, božija  milost uradi kad hoće. Možda će vam uskoro pomoći; a vaša vrlina, prekaljene u tim mučnim borbama, izaći će iz njih čistija i svjetlija. Nadajte se da ćete sjutra dobiti snagu koju danas nemate. Ne računajte da treba da se oslonite na nju, nego da se ohrabrite kako biste upotrijebili svoje sile.

Ostavljajući proviđenju da vam pomogne u opasnosti protiv koje ja ne mogu ništa, zadržavam pravo da vam pomažem i da vas tješim koliko budem mogla. Ja vam neću olakšati patnje, ali ću ih dijeliti sa vama. Samo ću u tom svojstvu rado primiti vaše ispovijesti. Osjećam da je vašem srcu potrebno da se povjeri.

Ja vam otvaram svoje; još ga godine nijesu do te mjere ohladile da bude nestrpljivo prema prijateljstvu. Vi ćete ga uvjek naći spremno da vas primi. To će biti slabo olakšanje za vaše bolove, ali bar nećete sami plakati; a kada vas ta nesrećna ljubav, zadobivši puno vlasti nad vama, bude primorala da govorite o njoj, bolje je da  govorite sa mnom nego sa njim. Eto, ja govorim kao vi; a mislim da nas dvije nećemo da mu pomenemo ime; u ostalom, mi se razumijemo."
​

Pjer Šoderlo de Laklo  - Opasne veze

(iz pisma gospođe de Rozmond koje je poslala  madam de Turvel )
​